خليل فتحي يكتب..( دا ما السودان البعرفوا انا )
السودان الذي نعرفه جميعا هو سودان الحب والمحبة والتسامح سودان الخير الوفير في كل شي….
لكن سودان اليوم هو سودان اصبح غريب عندي وعند الجميع.. والسبب هو تغيير كل شي خاصة فيما يخص الامن والامان…
وبسبب الذي يحدث من تفلتات قلة (المرؤة) بين الناس لان ناتج كل الافعال التي تحدث هو الشكك والتشكيك…
الموت وعدم الامان في كل مكان… الموت بشتي الصور… موت بطي… موت متوسط…. موت خفيف…. الكل يقتل والكل اما قاتل او مقتول….
اصبحنا نري افلام الاكشن حقيقة نهارا جهارا…. وسيناريو الاكشن بكل تفاصيلة سيارات… مواتر…. مطاردات واسلحة عند الجميع… وحتي بعد كل خبر للتنمية نجد عشرة اخبار للقتل…. فلان او فلانه وجدوا مقتولين…مقيدين وممثل بجثثهم…..
وانت قديما تخرج من منزلك واذا انقطعت في اي مكان تجد الزول ابو مرؤة قريب وينجدك… الان وانت في طريقك للبقالة التي تلاصق منزلك لكي تاتي بسكر للشاي لصغارك… فيها ترجع وفيها ما ترجع… واهل الشأن في نوم وثبات… خاصة المحللين للان لاندري من يدير دفة هولاء القتله ومن هو الذي يحرك (الريموت كنترول لهذه اللعبة)
ظواهر التفلت اصبحت كثيرة عميقة منتشرة في كل زقاق وحي ويمارس التفلت بصور محنكة وبقوة عين.. والمتفلتين اصبحوا يدخلوا حتي غرف النوم والمطابخ في وجود اهل البيت… والقاتل يقتل سيد واهل البيت ويغسل سكينه في حنفية مغسلة الحوش ويتخارج وتقيد الجريمة ضد مجهول…..
السودان بقي اضيق من قد ( ابره ) بهذه الافعال..
وحتي جرائم غسيل الاموال دخلت السودان عبر شبكات منظمة… ماكينات طباعة عملة محلية ودولارات… مخدرات من اخر طراز لمساحيق وحبوب قاتله..
و… و…. و…. و…. و…
كل شي اصبح مشوه في حياتنا اجرام منظم وطفح بنا الكيل….. وفي تزايد مستمر…
والبقول ( للنغم تك بقدو ليهو عينو بمفك )
وهنا ولا حياة لم انادي
المهم
( دا ما السودان البعرفو انا )
ونلتقي